ՀՀ փաստաբանների պալատը՝ Անկախ պետությունների համագործակցության մասնակից պետությունների հետ համատեղ իրականացվող միջոցառման շրջանակներում 2026 թվականի ապրիլի 6-ից 10-ը կմիանա «Առողջության և մարդու իրավունքների շաբաթը ԱՊՀ-ում» միջազգային արշավին։  Միջազգային գործընկերության շրջանակներում իրականացվող միջոցառման ընթացքում նախատեսվում է հանրությանը տրամադրել անհրաժեշտ անվճար իրավաբանական խորհրդատվություն՝  մարդու իրավունքների պաշտպանության (ներառյալ առողջապահության իրավունքի), արդարադատության հասանելիության և այլ իրավական հարցերի վերաբերյալ:

 Նշենք, որ միջոցառումը ներառված է ԱՊՀ մասնակից պետությունների հիմնական կազմակերպության 2026 թվականի ընթացքում փաստաբանության ոլորտում իրականացվելիք աշխատանքային պլանում:

Անվճար իրավաբանական խորհրդատվություն կտրամադրվի ՀՀ փաստաբանների պալատի վարչական շենքում (Հասցե՝ Երևան, Զաքյան 7-2): Մուտքն ազատ է իրավաբանական խորհրդատվություն հայցող բոլոր անձանց համար: